زمان لما كنا بنعرف نقرأ، كنا بنرجع للمعاجم نبحث عن الكلمات اللى مش فاهمينها!! و كانوا يعلمونا فى المدارس - أيام ما كانت المدارس فيها تعليم- ندوّر ع الكلمات بعد ما نجيب أصلها و نكتبه على هيئة (ف ع ل) ... ومن الكلمات اللى انا متأكد انها اتحورت من المعاجم للعقول لما اسميه الآن "القاموس العربى" ... وهو أبعد ما يكون عن المعاجم اللغوية، فهو ما يحدث فى الشارع !!
و من الكلمات اللى كنت على طول باسمعها و ده جعلنى أشوفها فى المعجم - قبل ما اعرف موضوع الـ"قاموس العربى " ده- كلمة "الاتحاد" و لما جبت أصلها (و ح د) و شفت معناها فى المعجم حسيت ان الموضوع؛ مفهوم العرب عن الاتحاد، كان اصله غلطة الراجل اللى دوّر فى المعجم أول مرة!! أصل مادة (و ح د) دى فيها حاجات كتير بس من أهمها: "الاتحاد" و "التوحد" و الوحدة" ... و مع ضياع اللغة العربية، و حل" القاموس العربى" محل المعاجم بقينا بنطبق الكلام غلط... يعنى مثلاً "الاتحاد" اللى هى أصلا كلمة تعنى التعاون والاتفاق و التجمع على أسس يحددها المتحدون، تحولت فى القاموس العربى، أول حاجة تيجى فى دماغك لما تسمعها: "الاتحاد السكندرى" .. النادى العريق، رمز من رموز الخيبة ، أو زى المثل ما بيقول هو "خيبة الامل راكبة جمل" !!!!! و ده عشان غلطة بسيطة، كان المفروض يبقى اسمه "التوحد" و هو مرض أهم أعراضه العزلة ، والرعب من أى مؤثر خارجى قد يعبث بالروتين اليومى للمريض بأى صورة من الصور، و به يعيش المريض فى "وحدة" شبه كاملة ... مع العلم أن مريض التوحد قد يكون عبقرياً يتعدى مستوى ذكائه المستويات المتعارف عليها ، لكنه وحيد !!!
و زى الاتحاد السكندرى، أو التوحد السكندرى ، صار اتحاد العرب اقرب الى توحد العرب !! و طبعا لو اتكلمت عن ده هاحتاج كتب، و لا أظن انى هاقدر أخلصها لانى أكيد هاموت من القهرة !!!
أنا بس قلت يمكن نرجع نشوف المعجم تانى و نصلح غلطة الراجل-الله يسامحه- اللى طلّعلنا الكلمة غلط!!!
و من الكلمات اللى كنت على طول باسمعها و ده جعلنى أشوفها فى المعجم - قبل ما اعرف موضوع الـ"قاموس العربى " ده- كلمة "الاتحاد" و لما جبت أصلها (و ح د) و شفت معناها فى المعجم حسيت ان الموضوع؛ مفهوم العرب عن الاتحاد، كان اصله غلطة الراجل اللى دوّر فى المعجم أول مرة!! أصل مادة (و ح د) دى فيها حاجات كتير بس من أهمها: "الاتحاد" و "التوحد" و الوحدة" ... و مع ضياع اللغة العربية، و حل" القاموس العربى" محل المعاجم بقينا بنطبق الكلام غلط... يعنى مثلاً "الاتحاد" اللى هى أصلا كلمة تعنى التعاون والاتفاق و التجمع على أسس يحددها المتحدون، تحولت فى القاموس العربى، أول حاجة تيجى فى دماغك لما تسمعها: "الاتحاد السكندرى" .. النادى العريق، رمز من رموز الخيبة ، أو زى المثل ما بيقول هو "خيبة الامل راكبة جمل" !!!!! و ده عشان غلطة بسيطة، كان المفروض يبقى اسمه "التوحد" و هو مرض أهم أعراضه العزلة ، والرعب من أى مؤثر خارجى قد يعبث بالروتين اليومى للمريض بأى صورة من الصور، و به يعيش المريض فى "وحدة" شبه كاملة ... مع العلم أن مريض التوحد قد يكون عبقرياً يتعدى مستوى ذكائه المستويات المتعارف عليها ، لكنه وحيد !!!
و زى الاتحاد السكندرى، أو التوحد السكندرى ، صار اتحاد العرب اقرب الى توحد العرب !! و طبعا لو اتكلمت عن ده هاحتاج كتب، و لا أظن انى هاقدر أخلصها لانى أكيد هاموت من القهرة !!!
أنا بس قلت يمكن نرجع نشوف المعجم تانى و نصلح غلطة الراجل-الله يسامحه- اللى طلّعلنا الكلمة غلط!!!
أيمن والى
30/12/08
30/12/08
المشاركات
هناك تعليقان (٢):
يا تري الراجل ده لسه عايش يا أيمن؟؟
أعتقد إنه مات من الوحده قصدي من التوحد........
لن يعودالعرب للإتحاد أبدا طالما لكل منهم مصالح شخصيه بحته..لو المصلحه بقت واحده إيديهم لازم تكون واحده...ربنا يستر
إرسال تعليق